Home Economy Agriculture स्याउपछि मुस्ताङको अर्को ब्रान्ड

स्याउपछि मुस्ताङको अर्को ब्रान्ड

  • जमुनावर्षा शर्मा

मुस्ताङ घरपझोङ–२ का महेन्द्रसिंह लालचनलाई आलु उत्पादन गरेसँगै यसको बिक्रीको चिन्ता थियो । कोभिड–१९ का कारण उत्पादित आलुले बजार नपाउने हो कि भन्ने चिन्तामा रहेका लालचन यतिबेला भने निकै खुशी छन् ।

उनले उत्पादन गरेको करिब १५ मुरी आलु राम्रो मूल्यसहित पोखरा आइपुगेको छ । लालचनजस्तै अन्य किसान पनि उत्पादित आलु पोखरा पुगेसँगै उत्साहित बनेका छन् । “खुशी छु, राम्रो मूल्य पनि पर्‍यो, आलु बिक्दैन कि भन्ने चिन्ता पनि हट्यो, सबै किसानको एउटै चिन्ता थियो, कोरोनाका कारण मुस्ताङमा पर्यटक छैनन्, आलु कसरी खपत होला भन्ने, तर आलु सोचेभन्दा राम्रो बिक्री भयो खुशी छौँ”, थासाङ गाउँपालिका–५ का मुस्ताङ आलु उत्पादन तथा व्यवसाय प्रवर्द्धनका प्रोपाइटर तेजेन्द्र गौचनले भने । उनका अनुसार अघिल्लो वर्ष १३० देखि १४० रुपैयाँ पाथीको आलु बेचेकामा अहिले १५० देखि १६० रुपैयाँ सम्ममा बिक्री गरिएको छ ।
मुस्ताङको आलुलाई पोखरासम्म ल्याउन श्री ओमविकास तथा देउकुमारी स्मृति प्रतिष्ठान सौरु, मुस्ताङका अध्यक्ष सवि शेरचन गौचनले समन्वय गरेका हुन् । किसानबाट सोझै उपभोक्तासम्म आलु ल्याउने व्यवस्था गरेसँगै किसान लाभान्वित भएका छन् । “केही समयअघि मुस्ताङ पुग्दा आलु उत्पादन गरेका किसान आलु बिक्री हुँदैन कि भनेर चिन्तित हुनुहुन्थ्यो, उहाँहरूको मेहनत, लगानी र पोखरामा मुस्ताङको आलुको मागलाई ध्यान दिएर आलु पोखरा ल्याउने पहल गरेँ, राम्रो मूल्य पाएर किसान खुशी छन्”, गौचनले भने ।
पोखरा महानगरपालिका–१० अमरसिंहमा रहेको आजीवन कृषि सहकारी लिमिटेडले सञ्चालन गरेको आजीवन कृषि उपज केन्द्रमा मुस्ताङको पाँच हजार किलो आलु ल्याएर प्रतिकेजी  ८५ रुपपैयाँमा बिक्री गरिएको उनले जानकारी दिए । घरपझोङ गाउँपालिकाका उपाध्यक्ष शर्मिला गुरुङले मुस्ताङको स्याउजस्तै आलु पनि ब्राण्ड बन्दै गएको बताइन् । “अहिले मुस्ताङको आलुले राम्रो बजार लिन थालेको छ, कोभिड–१९ को असरले पर्यटकविहीन बनेको मुस्ताङको उत्पादित आलु स्याउजस्तै ब्राण्ड बन्दै जाँदा यहाँका किसान खुशी भएका छन्”, उनले भनिन् ।
उनका अनुसार ताग्लुङ, लुप्रा, तिरी, फल्याक, पाक्लिङ, झोङलगायतका ठाउँमा आलु मिठो मानिन्छ । किसानले पनि सोचेजस्तै मूल्य पाएकाले खुशी भएको उनको भनाइ छ । आजीवन कृषि सहकारी सचिव राजेन्द्र पौडेलले मुस्ताङको आलु आएको भनेर सामाजिक सञ्जालमा राख्नेबित्तिकै उपभोक्ता आलु खरिदका लागि आएको बताए । “संस्थाका सहसचिव सबि शेरचनको समन्वयमा पाँच हजार ४०० किलो आलु केन्द्रमा आएको थियो, सामजिक सञ्जालमा राखेसँगै उपभोक्ता आउन थाले, अहिले ८५ प्रतिशत बिक्री भइसकेको छ”, पौडेलले भने ।
उनले सहकारीका सदस्यले उत्पादन गरेको तरकारीको बजार व्यवस्थापनका लागि बिक्री केन्द्र स्थापना गरेको र योसँगै स्थानीय र स्वदेशी उत्पादनलाई पनि प्रोत्साहन गर्ने गरेको बताए । उक्त बिक्री केन्द्र पूर्वमन्त्री एवं प्रतिनिधिसभा सदस्य खगराज अधिकारीले स्थानीय विकास पूर्वाधार साझेदारी कार्यक्रमअन्तर्गत १० लाख रुपैयाँ बजेट विनियोजन गरेर निर्माण गरिएको हो । सहकारीमा हाल १२० सदस्य छन् । रासस

LEAVE A REPLY

Please enter your comment!
Please enter your name here

Most Popular

कोरोना देखिएपछि क्षेत्रीय अस्पतालमा प्रसूति सेवा  बन्द   

पोखरा स्वास्थ्य विज्ञान प्रतिष्ठान अन्तर्गतको पश्चिमाञ्चल क्षेत्रीय अस्पतालको प्रसूति सेवा असोज १ गते बिहीबारसम्मका लागि बन्द गरिएको छ । अस्पतालको प्रसूति विभागमा भदौ २७ गते...

पत्रकार र प्रहरीसहित थप ५ मा कोरोना संक्रमण 

गण्डकी प्रदेशमा थप पाँच जनामा कोरोना पुष्टि भएको छ । थपिनेमा एक पत्रकार र दुई पर्यटक प्रहरी रहेको प्रदेश स्वास्थ्य निर्देशनालयले जनाएको छ ।    ...

स्याउपछि मुस्ताङको अर्को ब्रान्ड

जमुनावर्षा शर्मा मुस्ताङ घरपझोङ–२ का महेन्द्रसिंह लालचनलाई आलु उत्पादन गरेसँगै यसको बिक्रीको चिन्ता थियो । कोभिड–१९ का कारण उत्पादित आलुले बजार नपाउने हो कि...

गण्डकी प्रदेश प्रहरी प्रमुखमा कोरोना पुष्टि   

गण्डकी प्रदेशका प्रहरी प्रमुख घनश्याम अर्यालमा कोरोना सङ्क्रमण पुष्टि भएको छ । कन्ट्याक्ट ट्रेसिङका आधारमा लिइएको स्वाब परीक्षणमा प्रहरी नायब महानिरीक्षकको आइतबार बिहान रिपोर्ट...

Recent Comments