Home Covid19 स्थानीयको विरोधका कारण कोरोनाबाट मृत्यु हुनेको शव सद्‍गतमै समस्या

स्थानीयको विरोधका कारण कोरोनाबाट मृत्यु हुनेको शव सद्‍गतमै समस्या

बुधबार कोरोना संक्रमणबाट ज्यान गुमाएका एक पुरुषको शव उद्‌गतमा स्थानीयबासीले विरोध जनाएका छन् । पोखरा महानगरपालिका वडा नम्बर ३२ का स्थानीयहरूले पश्चिमाञ्चलन क्षेत्रीय अस्पताल पोखरामा निधन भएका पुरुषको शव उद्‍गत गर्न अवरोध गरेका हुन् ।

तल्लो गगनगौँडाको लामतरास्थित सेती नदी किनारमा शव गाड्न खाल्डो खनिएको थाहा पाएपछि उनीहरूले शव ल्याउने बाटोमा टायर बालेर विरोध प्रदर्शन गरेका छन् । कुनै पनि हालतमा शव यस क्षेत्रमा गाड्न नदिने उनीहरूको अडान छ ।

खाल्डो खनिएको ठाउँ र खाल्डो खन्न प्रयोग गरिएको जेसीभीको सुरक्षाका लागि अहिले प्रहरी खटाइएको छ । उक्त स्थानमा जान स्थानीयहरूलाई प्रहरीले रोक लगाएको छ । स्थानीयहरूले घाटतर्फ जाने राजमार्गको बाटो अवरुद्ध गरेका छन् ।

पोखरा स्वास्थ्य विज्ञान प्रतिष्ठान, पश्चिमान्चल क्षेत्रीय अस्पतालको आईसीयूमा उपचाररत स्याङ्जाको सिरुवारी निवासी ५५ वर्षीय पुरुषको गएराति मृत्यु भएको थियो । योसँगै नेपालमा कोरोना भाइरसको संक्रमणबाट मृत्यु हुने व्यक्तिको संख्या २५ पुगेको छ । उनी असार ८ गते अस्पताल भर्ना भएका थिए । स्वास्थ्य बिग्रिँदै गएपछि भेन्टिलेटरमा राखिएको थियो । मृतक डायबिटिजबाटसमेत पीडित थिए ।

पश्चिमान्चल क्षेत्रीय अस्पताल पोखरामा उपचार गर्दागर्दै कोरोना संक्रमितको मृत्यु भएका स्याङ्जाका यी पुरुष दोस्रो व्यक्ति हुन् । यसअघि पनि सोही अस्पतालमा स्याङ्जाकै ५८ वर्षीय कोरोना संक्रमित पुरुषको मृत्यु भएको थियो ।

गण्डकीमा थप ११ जनामा कोरोना संक्रमण पुष्टि

गण्डकी प्रदेशमा बिहीबार बिहान थप ११ जनामा कोरोना संक्रमण पुष्टि भएको छ । स्याङ्जा, म्याग्दी, बाग्लुङ र नवलपुरमा नयाँ संक्रमित पुष्टि भएको गण्डकी स्वास्थ्य निर्देशनालयले जनाएको छ ।

संक्रमण पुष्टि हुनेमा स्याङ्जाका एक जना, बागलुङका २ जना छन् । त्यस्तै, म्याग्दीका २० देखि ३२ वर्ष उमेर समूहका ६ जना पुरुष छन् । नवलपुरमा संक्रमण पुष्टि हुने २ जना छन् ।

गण्डकी प्रदेशभर बिहीबारसम्म ७ सय ५३ जनामा कोरोना पुष्टि भएको छ ।

LEAVE A REPLY

Please enter your comment!
Please enter your name here

Most Popular

कोतघरमा अजङ्गका खुँडा, तरबार र खुकुरी

गलकोट कोतघरमा ६५ किलोको खुँडा, ५० किलोको तरवार र ६० किलोका दुई खुकुरी राखिएको छ । दर्शैँको नवदुर्गामा ती हतियारको प्रतिस्थापन गरिएको हो ।  हेर्दै...

कोरोना देखिएपछि क्षेत्रीय अस्पतालमा प्रसूति सेवा  बन्द   

पोखरा स्वास्थ्य विज्ञान प्रतिष्ठान अन्तर्गतको पश्चिमाञ्चल क्षेत्रीय अस्पतालको प्रसूति सेवा असोज १ गते बिहीबारसम्मका लागि बन्द गरिएको छ । अस्पतालको प्रसूति विभागमा भदौ २७ गते...

पत्रकार र प्रहरीसहित थप ५ मा कोरोना संक्रमण 

गण्डकी प्रदेशमा थप पाँच जनामा कोरोना पुष्टि भएको छ । थपिनेमा एक पत्रकार र दुई पर्यटक प्रहरी रहेको प्रदेश स्वास्थ्य निर्देशनालयले जनाएको छ ।    ...

स्याउपछि मुस्ताङको अर्को ब्रान्ड

जमुनावर्षा शर्मा मुस्ताङ घरपझोङ–२ का महेन्द्रसिंह लालचनलाई आलु उत्पादन गरेसँगै यसको बिक्रीको चिन्ता थियो । कोभिड–१९ का कारण उत्पादित आलुले बजार नपाउने हो कि...

Recent Comments